Rezistenca Islamike Libaneze njoftoi se ka shkatërruar 3 tanke izraelite Merkava. Sipas agjencisë së lajmeve Fars, lëvizja libaneze e rezistencës, Hezbollah, njoftoi këtë të mërkurë në mbrëmje, më 2 tetor, se ky operacion u krye sot rreth orës 17:00 dhe se tanket izraelite u shkatërruan ndërsa po përparonin në drejtim të rajonit Maroun al-Ras në Libanin jugor.

Rezistenca Libaneze vuri në dukje se tre tanket izraelite Merkava u goditën nga raketa të drejtuara. Një gazetar i kanalit televiziv Al-Mayadeen raportoi se gjatë këtij sulmi, tre tanket morën flakë dhe ushtarët izraelitë që ndodheshin aty u vranë.

Forcat izraelite kohët e fundit nisën një agresion për të hyrë në territorin libanez, por këto përpjekje u ndeshën me rezistencë të fortë nga forcat e Hezbollahut./parstoday