Imami nga Kosova, Behar Mjekiqi, ka bërë një deklaratë të fortë për rolin e Iranit në konfliktet në Lindjen e Mesme. Duke folur në Channel 10, ai tha se Irani është një nga shkaqet kryesore të trazirave dhe vrasjeve në disa pjesë të rajonit.
Sipas tij, ndikimi i Iranit ka qenë i madh në konflikte si ato në Jemen dhe Siri, ku – siç u shpreh ai – janë krijuar organizata që kanë sjellë shumë dhunë dhe dëme.
Mjekiqi theksoi se për këtë çështje flet edhe nga përvoja personale, pasi për një kohë ka studiuar në Jemen.
“Kam studiuar në Jemen dhe është pikërisht ky shtet që Irani e ka shkatërruar. Regjimi atje duhet të rrëzohet. Të mëdhenj e të vegjël duhet të ngrihen për ta përmbysur atë regjim,” tha ai gjatë intervistës.
Deklarata e tij ka nxitur reagime dhe diskutime në rrjetet sociale, për shkak të gjuhës së fortë dhe qëndrimit të tij ndaj politikave të Iranit në rajon./kosovainfo
