Disa persona u vranë në një sulm izraelit të martën në një shkollë ku strehoheshin persona të zhvendosur në jug të Rripit të Gazës.

Dhjetra të tjerë po ashtu u plagosën në sulmin që synoi një shkollë në qytetin Abasan, në lindje të Khan Younisit, tha në një deklaratë Shoqata e Gjysmëhënës së Kuqe Palestineze. Grupi humanitar raportoi gjithashtu viktima në bombardimet izraelite në rrethrrotullimin Abu Humeid në qendër të Khan Younisit.

Javën e kaluar, ushtria izraelite lëshoi ​​urdhra evakuimi për banorët palestinezë të disa zonave në lindje të Khan Younisit. Që nga shpërthimi i konfliktit në Gazës në tetor të vitit të kaluar, ushtria izraelite ka goditur disa qendra të palestinezëve të zhvendosur në gjithë Rripin e Gazës./AA