Të hënën do të nisë Samiti i Investimeve në Ballkanin Perëndimor 2024, që do të zhvillohet në selinë e BERZH-it në Londër.
Në këtë aktivitet pjesëmarrës do të jenë liderët e gjashtë qeverive nga rajoni, përfshirë kryeministrin Edi Rama dhe homologun tij të Kosovës Albin Kurti.
Qëllimi i Samitit është të nxjerrë në pah mundësitë e mundshme për investime dhe biznes në rajonin e Ballkanit Perëndimor dhe të promovojë projekte rajonale dhe ndërkufitare. Ky është samiti i gjashtë i BERZH-it i këtij lloji.
Samiti përurues i Ballkanit Perëndimor u zhvillua 10 vjet më parë, në shkurt 2014 dhe, për herë të parë, mblodhi së bashku të gjithë kryeministrat e rajonit. Ballkani Perëndimor është një rajon prioritar për BERZH-in. Sot, BERZH mbetet një nga investitorët më të mëdhenj institucionalë në vendet e rajonit, me më shumë se 18 miliardë euro të investuara deri më sot.
Në pikën kryesore tradicionale e Samitit – Sesioni i kryeministrave interaktiv –liderët rajonalë dhe presidenti i BERZH-it t’i drejtohen audiencës me vizionin e tyre të përgjithshëm për rajonin, projektet kyçe rajonale dhe mundësitë për investime në nivel rajonal dhe në secilin të vendeve të rajonit, ku përfshihen Shqipëria, Bosnje-Hercegovina, Kosova, Mali i Zi, Maqedonia e Veriut dhe Serbia.
Sesioni do të ketë pyetje dhe përgjigje të zgjeruara me investitorët e huaj.
