Ministri i Jashtëm iranian, Abbas Arakchi, ka dënuar sulmin ajror amerikan ndaj Iranit si “të papranueshëm” dhe paralajmëroi se ai do të sjellë pasoja të qëndrueshme.
Në një postim në rrjetin social X, Arakchi kujtoi se SHBA-ja është anëtare e përhershme e Këshillit të Sigurimit të OKB-së dhe e akuzoi për shkelje të Kartës së OKB-së, ligjit ndërkombëtar dhe Traktatit për Mospërhapjen e Armëve Bërthamore (NPT) duke sulmuar “objektet paqësore bërthamore” të Iranit.
Ai tha:
“Ngjarjet e mëngjesit janë të papranueshme dhe do të sjellin pasoja të përhershme. Çdo anëtar i OKB-së duhet të ngrejë alarmin ndaj këtij akti shumë të rrezikshëm, të paligjshëm dhe kriminal.”
Arakchi njoftoi gjithashtu se Teherani i mban “të gjitha opsionet e hapura për të mbrojtur sovranitetin, interesat dhe popullin e vet, në përputhje me Kartën e OKB-së dhe të drejtën e legjitime të vetëmbrojtjes.”
Presidenti amerikan Donald Trump kishte njoftuar më parë sulmet ajrore ndaj tri objekteve bërthamore në Iran: Fordow, Natanz dhe Isfahan. /mesazhi
