Kryeministri izraelit, Benjamin Netanyahu, ka akuzuar Autoritetin Palestinez (PA) se synon të shkatërrojë Izraelin “në faza”. “Dallimi midis Hamasit dhe PA-së është vetëm se Hamasi dëshiron të na shkatërrojë këtu dhe tani, PA-ja dëshiron ta bëjë këtë në faza”, tha Netanyahu në një takim me dyer të mbyllura të Komitetit të Punëve të Jashtme dhe Mbrojtjes në Knesset.
Nuk pati asnjë koment nga PA-ja me bazë në Ramallah mbi akuzën e kryeministrit Netanyahu. Netanyahu kundërshton përpjekjet e SHBA-së për t’i mundësuar PA-së të qeverisë Rripin e Gazës pas përfundimit të luftës së vazhdueshme izraelite në territorin e bllokuar. Washingtoni argumenton se duhet të ketë një autoritet ose qeveri palestineze në Gaza në periudhën e pas luftës.
Hamasi mori kontrollin e Rripit të Gazës në vitin 2007, pasi dëboi forcat e PA-së pas luftimeve të brendshme. Qeverisja e PA-së ka qenë e kufizuar në Bregun Perëndimor që atëherë. Më 1 dhjetor, Izraeli rifilloi ofensivën ushtarake në Rripin e Gazës pas përfundimit të një pauze humanitare 1-javore me grupin palestinez Hamas.
Të paktën 18.205 palestinezë janë vrarë dhe më shumë se 49.645 të tjerë janë plagosur në sulmet e pamëshirshme ajrore dhe tokësore në enklavë që nga 7 tetori pas një sulmi ndërkufitar nga Hamasi./AA
