Flakët ranë në katin e katërt të ndërtesës në rrugën ‘Tish Daija’ rreth orës 11:05. Dyshohet se zjarri është shkaktuar nga një shkëndijë në një paketë elektrike. Shërbimet zjarrfikëse ndodhen në vendngjarje dhe po punojnë për fikjen e zjarrit.
Ndërkohë shërbimet e Policisë po bëjnë të mundur evakuimin e banorëve. Në pamjet e siguruara nga Panorama.al, shihen flakët që kanë përfshirë pallatin dhe shtëllungat e zeza të tymit.
Njoftimi i policisë:
Tiranë/Informacion paraprak
Më datë 20.01.2025, rreth orës 11:05, në rrugën ‘Tish Daija, ka rënë zjarr në katin e katërt të një ndërtese.
Shërbimet zjarrfikëse ndodhen në vendngjarje dhe po punojnë për fikjen e zjarrit.
Shërbimet e Policisë po bëjnë të mundur evakuimin e banorëve .
Grupi Hetimor po punon për përcaktimin e shkakut të rënies së zjarrit.
