Presidenti i Republikës Islamike të Iranit tha: Ajo që ndodhi me operacionin fitues të muxhahedinëve palestinezë në territoret e pushtuara ishte përmbushja e pritshmërisë 70-vjeçare të kombit palestinez dhe të ummetit islam dhe në dashtë Zoti, së shpejti do të falemi së bashku në xhaminë Al-Aksa.
Sipas agjencisë së lajmeve, Sejed Ebrahim Raisi, të dielën pasdite, në një bisedë telefonike me Ismail Haniyeh, kreun e zyrës politike të Lëvizjes së Rezistencës Islamike Palestineze (Hamas), ndërsa vlerësoi operacionet e guximshme dhe fitimtare të muxhahedinëve palestinezë në territoret e pushtuara, tha se fitorja, krenaria dhe suksesi i rezistencës palestineze është burim krenarie për Umetin Islam.
Presidenti deklaroi se vullneti i çeliktë i kombit palestinez dhe muxhahedinëve të Rrugës së Zotit premton fitoren përfundimtare të palestinezëve mbi regjimin uzurpues sionist. Ajo që ndodhi me operacionin fitues të muxhahedinëve palestinezë në territoret e pushtuara ishte përmbushja e pritshmërisë 70-vjeçare të kombit palestinez dhe të ummetit islam dhe në dashtë Zoti, së shpejti do të falemi së bashku në xhaminë Al-Aksa. Në këtë telefonatë, Ismail Haniyeh, kreu i zyrës politike të lëvizjes Hamas, në emër të muxhahidëve palestinezë dhe popullit palestinez, vlerësoi qëndrimet e Ajetollah Raisi dhe mbështetjen e Republikës Islamike dhe të popullit të Iranit ndaj rezistencës palestineze. Kreu i zyrës politike të Hamasit prezantoi një raport mbi dimensionet e ndryshme të operacionit Stuhia Al-Aksa dhe tha se agresioni dhe fyerja e armikut sionist ndaj shenjtërisë së xhamisë Al-Aksa dhe besimtarëve palestinezë, është një nga arsyet kryesore për kryerjen e këtij operacioni. Ai shtoi: Në këtë betejë, megjithë pamjaftueshmërinë e pajisjeve dhe mjeteve të forcave të rezistencës, muxhahedinët palestinezë duke përdorur elementin e befasisë në një operacion të gjerë, mundën të prishin ekuilibrin e regjimit sionist. Haniyeh theksoi: Ajo që është arritur në skenën e betejës me armikun sionist është falë bekimeve të Zotit, mbështetjes së Umetit Islamik dhe në krye të tyre Republikës Islamike të Iranit dhe në dashtë Zoti kjo do të përfundojë me fitoren përfundimtare të kombit palestinez./parstoday
