Numri i palestinezëve të vrarë nga sulmet izraelite në Rripin e Gazës që nga fillimi i konfliktit më 7 tetor është rritur në 15.207, njoftoi të shtunën Zyra për media e Qeverisë në Gaza. Në njoftim thuhet se 70 për qind e viktimave janë fëmijë dhe gra dhe se 40.652 persona janë plagosur. “Okupimi vazhdon të zgjerojë bombardimet e tij ndaj civilëve pas përfundimit të pauzës humanitare”, theksohet në deklaratë.
Që nga fillimi i konfliktit, 280 punonjës mjekësorë janë vrarë në sulmet izraelite, ndërsa 31 prej tyre, përfshirë drejtorin e spitalit Al-Shifa, Mohammad Abu Salmiy, janë ndaluar për “marrje në pyetje fashiste nën torturë, abuzim dhe uri”. Rreth 130 qendra shëndetësore ishin objektiv i sulmit ndërsa 20 spitale dhe 46 qendra mjekësore janë jashtë funksionit.
Ushtria izraelite rifilloi sulmet e rënda në të gjithë Rripin e Gazës të premten herët pas përfundimit të pauzës humanitare dhe të paktën 193 palestinezë u vranë dhe 652 u plagosën, njoftoi Ministria e Shëndetësisë në Gaza./AA
