Sali Berisha ka mbajtur fjalën me anë të një video konference në mbledhjen e Këshillit Kombëtar të PD.  Berisha tha se ky do të jetë shtatori i fundit që PD është në opozitë dhe u bëri thirrje mbështetëve që të reflektojnë “fitore” kur të flasin me qytetarët dhe t’i bindin të votojnë opozitën.

“Në 9 muaj kemi përballjen finale kundër së keqes që asgjësoi procesin e vërtetë elektoral. Çdo demokrat dhe demokrate, nga sot e tutje, kur të kërkojë votën për PD, demokratët duhet t’i shihet në sy bindja për fitore. Demokratëve duhet t’i dëgjohet në zë, bindja për fitore, duhet t’ju lexohet në shpirt, bindja për fitore.

E gjithë kjo sepse sot më shumë se kurrë, fitorja qëndron në guximin, besimin dhe duart tona. Këto vite, Partinë Demokratike e plagosën jo pak, kjo nuk mohohet. Këto vite, me sulmin që na u bë, ne kemi luftuar më shumë në mbrojtje se sa në sulm. Duhet të mbronim flamurin tonë, programin, pluralizmin politik, opozitën shqiptare.

Kjo betejë ka mbaruar dhe realiteti është krejt i ri. Sot ne jemi të bashkuar, sot ne jemi PD, më e fortë se kurrë. /Sot jemi në moment përcaktues, për të sotme dhe të ardhmen tonë”, tha Berisha./Tpz