Konglomerati gjerman Siemens nuk e ka furnizuar Krimenë me turbinat e energjisë elektrike duke anashkaluar sanksionet e BE-së, njoftoi për Sputnik zëdhënësi i Siemens, Michael Friedrich të enjten.
Të mërkurën, media njoftoi se Rusia është furnizuar nga turbinat e energjisë elektrike të prodhuara nga Siemens në Krime, pavarësisht nga sanksionet e BE-së që ndalojnë kompanitë e saj për të furnizuar rajonin me teknologjinë e energjisë.
“Siemens nuk i ka furnizuar turbinat në Krime, dhe i plotëson të gjitha kufizimet mbi kontrollin e eksporteve”, tha Friedrich.
Zëdhënësi i Kremlinit, Dmitri Peskov refuzoi të komentojë mbi çështjen, duke thënë se administrata presidenciale nuk kishte të bënte me turbinat.
Media sugjeroi se Krimeja kishte nevojë për turbinat për dy termocentrale të reja në ndërtim, duke synuar sigurimin e një furnizimi të qëndrueshëm me energji në rajon pas ribashkimit të saj me Rusinë në vitin 2014.
Marrëdhëniet e Moskës me Perëndimin u përkeqësuan me shpejtësi pas referendumit të Krimesë për t’u bashkuar me Rusinë në vitin 2014, dhe me përshkallëzimin e krizës ukrainase më vonë atë vit. Shtetet e Bashkuara dhe Bashkimi Evropian treguan mosmiratimin e tyre për ndërhyrjen e supozuar të Rusisë në çështjet e Ukrainës, duke paraqitur disa raunde sanksionesh kundër Rusisë, pavarësisht nga fakti se Moska i ka hedhur poshtë akuzat vazhdimisht. / © Gazeta Impakt
