Ministria Sllovene tha se Izraeli duhet të “sigurojë dhe lehtësojë ofrimin e ndihmës thelbësore humanitare, veçanërisht nga UNRWA-ja”, si dhe tërespektojë privilegjet dhe imunitetet e OKB-së.
Sllovenia dhe Norvegjia kanë përshëndetur sqarimin e fundit të Gjykatës Ndërkombëtare të Drejtësisë (GjND) mbi detyrimet ligjore të Izraelit në territoret e pushtuara palestineze, duke i kërkuar Tel Avivit të përmbushë plotësisht ligjin ndërkombëtar humanitar dhe të të drejtave të njeriut.
Ministria e Punëve të Jashtme e Sllovenisë tha se vendi “përshëndet sqarimin gjithëpërfshirës të GJND-së mbi detyrimet e Izraelit sipas ligjit ndërkombëtar”, duke theksuar se Izraeli “kërkohet pa mëdyshje të përmbushë detyrat e tij sipas ligjit ndërkombëtar humanitar dhe ligjit të të drejtave të njeriut”.
Ministria Sllovene tha se Izraeli duhet të “sigurojë dhe lehtësojë ofrimin e ndihmës thelbësore humanitare, veçanërisht nga UNRWA-ja”, si dhe tërespektojë privilegjet dhe imunitetet e OKB-së.
“Pajtueshmëria me këto detyrime është e domosdoshme për të mbështetur të drejtën e patjetërsueshme të popullit palestinez për vetëvendosje dhe për të nxitur paqen dhestabilitetin rajonal”, tha ministria në platformën sociale të kompanisë amerikane X.
Ndërkaq, ministri norvegjez i Punëve të Jashtme, Espen Barth Eide, e përshkroi në mënyrë tëngjashme mendimin këshillimor të GjND-së si “të qartë si kristali”, duke theksuar se Izraeli “është i detyruar të lehtësojë si ndihmën humanitare shpëtimtare ashtu edhe shërbimet bazë për Palestinën”.
“Ky është një mendim i fuqishëm që përforcon faktin se Izraeli duhet të përmbushë detyrimet e tij sipas ligjit ndërkombëtar”, tha ai.
Këto komente vijnë pasi GjND-ja më herët vendosi se Izraeli është i detyruar sipas Konventës së Gjenevës të bjerë dakord dhe të lehtësojë skemat e ndihmës të ofruara nga shtetet e treta dhe grupet humanitare të paanshme, përfshirë Komitetin Ndërkombëtar të Kryqit të Kuq (ICRC) dheagjencinë e OKB-së për refugjatët palestinezë (UNRWA), për të siguruar që ndihma e mjaftueshme të arrijë në Rripin e Gazës./trtbalkan
