Ish-presidenti amerikan Donald Trump ka shpalosur hapur mbështetjen e tij të pakushtëzuar për politikat e Izraelit, duke bërë thirrje për “zhvendosjen e përhershme” të palestinezëve nga Gaza. Deklarata e tij erdhi përpara një takimi me kryeministrin izraelit Benjamin Netanyahu në Shtëpinë e Bardhë, duke konfirmuar edhe një herë pozicionin e tij si një zëdhënës i verbër i Tel Avivit.
Trump deklaroi se do të mbështeste përpjekjet për të detyruar palestinezët të largohen nga Gaza dhe të rivendosen në vende të tjera, duke anashkaluar të drejtat e tyre historike dhe të ardhmen e një zgjidhjeje të qëndrueshme për konfliktin.
Një qëndrim i tillë vjen në një kohë kur Gaza është shkatërruar nga bombardimet izraelite dhe mbi dy milionë palestinezë përballen me uri, mungesë uji dhe një krizë humanitare të paprecedentë. Por për Trumpin, prioritet mbetet ruajtja e marrëdhënieve me Netanyahun, pa marrë parasysh pasojat mbi një popull të tërë.
Deklarata e tij provokon reagime të ashpra në arenën ndërkombëtare, duke e rreshtuar edhe më shumë në krah të politikave të ashpra të Netanyahut dhe duke shuar çdo iluzion për një qasje të ekuilibruar amerikane në konfliktin izraelito-palestinez./gazetaimpakt
