Këshilltari i Liderit të Revolucionit për Çështjet Ndërkombëtare tha se Hezbollahu është një grup i virtytshëm dhe vetëmohues në vijën e parë të Rezistencës.
Sejid Abdullah Safi al-Din, përfaqësuesi i Hezbollahut të Libanit në Teheran, u takua dhe bisedoi të dielën me Këshilltarin e Liderit të Revolucionit për Çështjet Ndërkombëtare, Ali Akbar Velayati. Në këtë takim u diskutuan dhe u shqyrtuan zhvillimet e fundit rajonale dhe ndërkombëtare.
Sipas Pars Today, në këtë takim, Velayati deklaroi se Hezbollahu, si një nga shtyllat më të rëndësishme të Frontit të Rezistencës, luan një rol themelor në përballjen me sionizmin dhe tha: “Republika Islamike e Iranit do të vazhdojë të mbështesë me vendosmëri këtë grup të virtytshëm dhe vetëmohues në vijën e parë të Rezistencës”.
Italia bën thirrje që Evropa të çlirohet nga varësia e sigurisë nga SHBA-të
Kryeministrja italiane Giorgia Meloni, gjatë një takimi lokal vuri në dukje: “Presidenti amerikan Donald Trump ka deklaruar qartë se SHBA-ja ka ndërmend të tërhiqet dhe se evropianët duhet të organizohen për mbrojtje, dhe kjo do të thotë një përshëndetje e re për Evropën (e lirë dhe të pavarur).”
Ajo shtoi: “Për tetëdhjetë vjet, ne ia besuam sigurinë tonë Amerikës dhe pretenduam se ishte falas, por kjo kishte një çmim, dhe çmimi ishte kushtëzimi ynë. Tani duhet të paguajmë çmimin për lirinë tonë.”
Eurodeputetja: Izraeli nuk e ka të gjatë
Reema Hassan, një anëtare e Parlamentit Evropian, e cila kohët e fundit u përpoq të thyejë bllokadën e Gazës me anijen Madeleine, rrëfeu kujtimet e saj të ndalimit nga ushtria izraelite në një intervistë me faqen e internetit “Paroles d’Honneur”.
Ajo, e cila u shfaq në këtë intervistë me shaminë karakteristike (kufije, çefije) palestineze, duke kujtuar seancën e saj dëgjimore në territoret e pushtuara, shpjegoi: “Gjykatësi më tha: Do të privoheni nga kjo tokë për 100 vjet. Unë iu përgjigja: Izraeli kurrë nuk do të zgjasë 100 vjet.”
Tërheqja e Ukrainës nga anëtarësimi në NATO
Presidenti ukrainas Volodymyr Zelensky, më në fund, njoftoi se vendi i tij është gati të braktisë përpjekjet për t’u bashkuar me NATO-n në këmbim të një armëpushimi, një çështje që zyrtarët rusë thonë se ishte një nga arsyet kryesore për fillimin e luftës.
Prania e armëve izraelite në konfliktin Kamboxhia-Tajlandë
Mes përleshjeve të ashpra kufitare midis Kamboxhias dhe Tajlandës për tempullin Preah Vihear, ushtria tajlandeze po përdor armë izraelite si topat Atamos të kompanisë Elbit, raketat Spike të kompanisë Rafael dhe sistemin e mbrojtjes ajrore Barak MX.
Mosmarrëveshja e gjatë kufitare midis Tajlandës dhe Kamboxhias për pronësinë e tempullit Preah Vihear është ndezur përsëri në mesin e vitit 2025, një krizë që është kthyer shpejt në një nga konfliktet më serioze në Azinë Lindore viteve të fundit./parstoday
