Sekretari amerikan i Shtetit, Antony Blinken ka zhvilluar një bisedë telefonike me presidentin izraelit, Isaac Herzog. Sipas deklaratës së Departamentit Amerikan të Shtetit, Blinken në bisedën e tij telefonike me Herzogun ka kërkuar që të merren masa për të minimizuar dëmtimin e civilëve në konflikte. Blinken përsëriti se ata mbrojnë të drejtën e Izraelit për vetëmbrojtje dhe tha se ndihma humanitare për Gazën duhet të rritet dhe të dorëzohet shpejt.
Blinken bisedoi edhe me kryediplomatin ukrainas
Nga ana tjetër, sekretari Blinken ka zhvilluar bisedë telefonike edhe me homologun e tij ukrainas, Dmitro Kuleba, dhe ka vlerësuar zhvillimet e fundit në lidhje me Luftën Rusi-Ukrainë. Gjatë takimit, Blinken përsëriti angazhimin e tyre për sovranitetin dhe integritetin territorial të Ukrainës dhe deklaroi se SHBA do të vazhdojnë të ofrojë mbështetje për ukrainasit.
Sekretari amerikan i Mbrojtjes bisedoi me homologun e tij izraelit, Gallant
Sipas deklaratës së bërë nga Pentagoni, Sekretari amerikan i Mbrojtjes, Lloyd Austin, ka diskutuar për konfliktet izraelito-palestineze me homologun e tij izraelit, Yoav Gallant. Austin deklaroi se në operacionet ushtarake duhet t’i jepet përparësi sigurisë së civilëve dhe se duhet të shtohen ndihmat humanitare që kalojnë nëpër Portën Kufitare Rafah për civilët në Gaza.
