Nga: Steven Sahiounie
Sulmet ajrore izraelite në Siri janë bërë rutinë dhe vdekjeprurëse. Sulmet ajrore izraelite në Damask vranë katër ushtarë sirianë dhe plagosën katër të tjerë.
Banorët e Damaskut u zgjuan nga gjumi nga zhurmat dhe dritat e sulmeve. Pavarësisht nga sulmet e shumta, popullsia civile mbahet peng nga ushtria izraelite dhe sulmeve të tyre të pamëshirshme, të cilat shkaktojnë shqetësim shpirtëror tek njerëzit e pafajshëm që flenë në shtëpitë e tyre, ndërsa përpiqen të mbijetojnë në një ekonomi të rrënuar e cila ka shtyrë shumicën e njerzve në kufirin e varfërisë.
SHBA ka vrarë civilët sirianë me sanksione për vite të tëra, të cilat kanë penguar farmacitë dhe spitalet të porosisin ilaçe nga prodhuesit amerikanë dhe evropianë. Për shembull, në një rast muajin e kaluar, një grua në Siri pati një rast të herpesit okular (sulmi i virusit herpes në sy) dhe injeksionet e kërkuara të një ilaçi të prodhuar në Francë nuk ishin të disponueshme për shkak të sanksioneve të SHBA dhe BE.
Ndërsa sanksionet e SHBA i privojnë civilët sirianë nga ilaçet, ushtria amerikane po pushton verilindjen e Sirisë dhe ka konfiskuar naftën e prodhuar në puset më të mëdha që kanë edhe prodhimin me të madh. Kjo është përkthyer në mungesa kronike të benzinës dhe radhë të gjata në pompat e benzinës, ndonjëherë me ditë të tëra.
SHBA mbështet milicinë kurde, SDF dhe YPG, të cilat konsiderohen nga Turqia si të lidhura me grupin e jashtëligjshëm terrorist PKK, përgjegjës për 30,000 vdekje në Turqi gjatë dekadave. Megjithëse qeveria amerikane është antikomuniste, administrata kurde në Sirinë verilindore drejtohet nën ideologjinë e rreptë politike komuniste dhe mbështetet nga Shtëpia e Bardhë dhe Kongresi Amerikan.
Qeveria siriane dënoi sulmin e së hënës dhe i kërkoi Këshillit të Sigurimit të OKB-së të ndërmarrë veprime për të parandaluar sulme të mëtejshme izraelite në Siri.
Ky sulm i fundit në Damask, kryeqyteti më i vjetër në botë, kishte në shënjestër zonat pranë Aeroportit Ndërkombëtar të Damaskut, Aeroportit Dimas dhe Kisëeh duke shkaktuar vdekje, lëndime dhe dëme materiale.
Sulmi u nis nga Lartësitë Golan, që është tokë siriane sipas marrëveshjeve ndërkombëtare, por është e pushtuar nga Izraeli që nga viti 1967. Popullsia vendase po jeton nën një pushtim ushtarak brutal dhe afatgjatë. Gjatë udhëheqjes së Trump, SHBA-të njohën aneksimin izraelit të Lartësive të Golanit, në kundërshtim me rezolutat e OKB-së.
Mbrojtja ajrore siriane kapi raketat izraelite dhe rrëzoi disa prej tyre sipas një burimi ushtarak sirian që i raportoi Agjencisë Arabe të Lajmeve Siriane (SANA).
Forcat izraelite sulmuan shtatë objektiva në Damask në korrik. Thuhej se të gjitha ato përfshinin magazina të përdorura nga grupi i Rezistencës Libaneze dhe aleatët e tjerë të ushtrisë siriane.
Izraeli e ka sulmuar Sirinë me qindra herë gjatë viteve, dhe të gjitha kanë qenë sulme të paprovokuara ndaj një shteti sovran. Në çdo rast, përveç një rasti, Siria kurrë nuk është hakmarrë dhe nuk e ka sulmuar Izraelin. Në fakt, Siria ka luftuar terroristët që mund të kishin kërcënuar sigurinë e Izraelit dhe Siria i ka mbajtur të sigurt kufijtë e saj me Izraelin. Megjithatë, në konfliktin e armatosur që filloi në Siri në vitin 2011, i cili ishte një plan i dështuar SHBA-NATO për ndryshimin e regjimit, terroristët radikal islamikë të armatosur me Jibhat al Nusra, dega e Al Kaedës, kaluan në Izrael nga Lartësitë Golan për të marrë trajtim mjekësor në spitalet publike izraelite, ku kryeministri Benjamin Netanyahu personalisht bëri vizita pranë shtratit te terroristëve të plagosur.
Deri në vitin 2015, terroristët kishin pushtuar sipërfaqe të mëdha toke në të gjithë Sirinë. Irani, Rusia dhe grupi i Rezistencës Libaneze u thirrën të gjithë të merrnin pjesë në çlirimin e Sirisë, si dhe në luftën kundër terroristëve, përfshirë ISIS-in.
Presidenti Trump do t’ju bënte të besoni se administrata e tij mundi ISIS-in në të gjithë Irakun dhe Sirinë, por në realitet ishte një përpjekje e madhe ndërkombëtare nga Iraku, Irani, Rusia dhe Siria që mundi grupin.
Më 19 korrik, sulmet ajrore izraelite pranë Damaskut vranë tre ushtarë sirianë dhe plagosën katër të tjerë.
Më 14 qershor, Izraeli kreu sulme ajrore pranë Damaskut duke plagosur një ushtar.
Në fund të majit, sulmet ajrore izraelite goditën Damaskun duke plagosur pesë ushtarë të tjerë.
Sulmet e mëparshme izraelite kanë nxjerrë jashtë funksionit aeroportet e Damaskut dhe Aleppos. Të dy aeroportet janë linja ndërkombëtare jetësore për ndihmën humanitare pas tërmetit të 6 shkurtit që regjistroi 7.8 ballë dhe të quajtur “tërmeti i shekullit”. Ato aeroporte janë gjithashtu terminale komerciale pasagjerësh për sirianët që largohen dhe kthehen, si dhe delegatët e grupeve ndërkombëtare të ndihmës dhe delegacionet diplomatike ndërkombëtare. Ekspertët kanë shprehur tronditje dhe shqetësim se Izraeli mund të kishte rrëzuar një Aeroport të plotë të pasagjerëve në sulmet e tyre ajrore./GAZATAIMPAKT/mideastdiscourse.com
