Një mosmarrëveshjeje mes familjeve me origjinë nga Shqipëria është kthyer në një tragjedi gjatë mbrëmjes të së mërkurës, më datë 7 gusht, në Tavullia të Italisë. Dritan Idrizi, gjatë një sherri të dhunshëm është goditur për vdekje me thikë.

Në pranga ka rënë Artur Cerria, që dyshohet si autori kryesor i ngjarjes. Po ashtu, është prangosur Gili Quedari, 28 vjeç, që ka qenë mik me viktimën, si dhe Admir Shoshari, 54 vjeç, daja i viktimës. Sherri ka shpërthyer gjatë rrugës që lidh lokacionet italiane Tavullia me San Giovanni në Marignano, ku Sinani me miq të tij, të armatosur me hekura e shkopinj, kanë shkuar të zgjidhin mosmarrëveshjen për 5 mijë euro.

Situata degradoi tepër shpejt, pasi fillimisht ka pasur grushte, e më pas përdorim të thikës. Përpos Idrizit, nga ngjarja janë plagosur dhe tre persona të tjerë. Këta persona që dyshohen përgjegjës po hetohen për vrasje, tentativë vrasje dhe plagosje e rëndë./AA