Arrestohet me urdhër të SPAK, ish-kryebashkiaku i Kukësit Safet Gjici.
Burime për Euronews Albania bëjnë me dije se Gjici është arrestuar në banesën e tij nën akuzën e “Korrupsionit pasiv”, në bazë të nenit 260 të Kodit të Procedurës Penale.
Arrestimit i Gjicit vjen pas videoskandalit të publikuar në media më datë 16 qershor ku ai shihej duke pasur marrëdhënie intime me shtetasen Alma K. në ambientet e zyrës së tij në Bashkinë e Kukësit.
Në këmbim të favoreve seksuale Gjici i premtoi vajzës dhënien e një tenderi për kastrimin e qenve në bashkinë që ai drejtonte.
Pas arrestimit të ish-kryebashkiakut të Kukësit Safet Gjicit, është ekzekutuar edhe arrestimi i gruas që shfaqet në videoskandalin e Gjicit, e njohur si Alma Kaci.
Burime për Euronews Albania bëjnë me dije se ekzekutimi i arrestimit të saj është bërë në Shkodër, ndërsa ndaj saj është vendosur masa e sigurisë “arrest në shtëpi”, nën akuzën “korrupsion aktiv”, në bazë të neni 245 të Kodit të Procedurës Penale. /EuronewsAlbania