Në përgjigje të letrës së zyrës së Ajetullah Sejed Ali Sistanit në lidhje me fyerjen djegies se të Kuranit të Shenjtë në Suedi, Sekretari i Përgjithshëm i OKB-së theksoi: Dënoj dhunën dhe islamofobinë.
Sekretari i Përgjithshëm i OKB-së, Antonio Guterres, në përgjigje të letrës që mori nga zyra e Ajetullah Sejed Ali Sistani, autoriteti suprem irakianë, në lidhje me përdhosjen e Kuranit, duke falënderuar për letrën, shprehu shqetësimin e madh në lidhje me këtë incident në Stokholm të Suedisë, i cili çoi në protesta në Irak.
Në këtë drejtim, duke u shprehur solidaritet me shoqërinë islame, ai theksoi se dënon veprimet paragjykuese, dhunën dhe islamofobinë, të cilat çojnë në rritjen e tensionit dhe kontribuojnë në krijimin e diskriminimit dhe ekstremizmit.
Sekretari i Përgjithshëm i Kombeve të Bashkuara, duke deklaruar se Kombet e Bashkuara theksojnë zbatimin e plotë të vendimit të Këshillit të të Drejtave të Njeriut në lidhje me luftën kundër përhapjes së urrejtjes fetare, e cila është nxitje për diskriminim, armiqësi dhe dhunë, shtoi se kjo organizatë përmes institucioneve te saj përkatëse, do të rishikojnë politikat e vendeve anëtare dhe kuadrin kombëtar të saj. Guterres vazhdoi: “Udhëheqësit politikë dhe fetarë kanë një rol të rëndësishëm në ngritjen e zërit të tyre vendimtar kundër manifestimeve të urrejtjes fetare dhe përhapjen e dialogut paqësor që është mënyra më e mirë për të forcuar konceptet dhe respektin reciprok”.
Sekretari i Përgjithshëm i Kombeve të Bashkuara shprehu mbështetjen e tij të plotë ndaj kërkesës së Autoritetit Suprem te Irakut për të forcuar bashkëjetesën paqësore dhe vlerësoi qasjen e tij të moderuar dhe thirrjen e vazhdueshme për respekt dhe solidaritet reciprok./Parstoday
