Këshilltari dhe përfaqësuesi i parë i Iranit në Kombet e Bashkuara ushtroi të drejtën e Iranit për t’u përgjigjur për të hedhur poshtë akuzat e ngritura gjatë një sesioni të KS të OKB-së për sigurinë kibernetike. Sattar Ahmadi hodhi poshtë kategorikisht akuzat e bëra nga Shqipëria dhe regjimi izraelit kundër Iranit.
Ai po fliste në një debat të hapur të KS të OKB-së për ruajtjen e paqes dhe sigurisë ndërkombëtare, duke u fokusuar në “Adresimi i kërcënimit në zhvillim në hapësirën kibernetike”. Më poshtë është teksti i fjalimit të të dërguarit iranian në ngjarjen e mbajtur në Nju Jork më 20 qershor:
Faleminderit zoti President,
E kuptoj që ju zoti President keni pasur një takim të gjatë sot dhe nuk kam ndërmend t’i marr shumë nga koha anëtarit të Këshillit. Megjithatë, unë kërkova fjalën sepse përfaqësuesit e Shqipërisë dhe regjimit izraelit kanë keqpërdorur këtë Dhomë për të ngritur pretendime të pabazuara kundër Iranit, duke akuzuar në mënyrë të rreme vendin tim për mbështetje të sulmeve kibernetike.
Ne i hedhim poshtë dhe denoncojmë kategorikisht këto pretendime të pabaza. Në lidhje me një akuzw të pajustifikuar që i është bërë Iranit në deklaratën e përfaqësuesit të Shqipërisë, ne iu përgjigjëm dhe hodhëm poshtë këtë pohim të rremë në letrën tonë drejtuar Këshillit të Sigurimit të datës 10 shtator 2022 (S/2022/685).
Ne besojmë se qeveria e Shqipërisë u mashtrua nga dezinformata nga një organizatë terroriste, MEK, dhe ia atribuoi në mënyrë të rreme sulmin kibernetik Iranit. MEK, e cila aktualisht ndodhet në Shqipëri, ka kryer disa sulme kibernetike kundër infrastrukturës kritike të Iranit, me ndihmën dhe mbështetjen e disa shteteve dhe regjimit izraelit. Kjo organizatë terroriste ka martirizuar shumë zyrtarë dhe civilë iranianë përmes bombardimeve dhe vrasjeve terroriste dhe që nga viti 1981 ka marrë jetën e 17,000 qytetarëve iranianë.
Pavarësisht këtij fakti, Qeveria e Republikës Islamike të Iranit, në mirëbesim, i bëri një ofertë qeverisë së Shqipërisë për të bashkëpunuar dhe angazhuar në mënyrë konstruktive për zbardhjen e akuzës së pabazuar ndaj Iranit, por fatkeqësisht kërkesa jonë mbeti pa përgjigje. Lidhur me pretendimet e pabaza të bëra nga regjimi izraelit, ne i hedhim poshtë kategorikisht këto pretendime të pabaza. Ironikisht, një përfaqësues i një regjimi të njohur për aktivitetet e tij dashakeqe, kriminale dhe terroriste si në hapësirën kibernetike ashtu edhe në atë reale, akuzon të tjerët për veprimet shumë të paligjshme që ky regjim kryen vazhdimisht.
Për më shumë se nëntë muaj, regjimi pushtues izraelit, ka zhvilluar një luftë gjenocidale dhe agresion ushtarak kundër popullit të pambrojtur palestinez si dhe është përfshirë në akte të egra dhe terroriste në rajon, duke shkelur në mënyrë flagrante të gjitha rregullat, parimet dhe normat ligjore ndërkombëtare, duke përfshirë të drejtën ndërkombëtare humanitare dhe të drejtën e të drejtave të njeriut.
Ky regjim përdor paturpësisht çdo mjet të mundshëm për të shkatërruar popullatën vulnerabël, duke përfshirë përdorimin e urisë si një metodë lufte, shënjestrimin pa dallim të civilëve, duke përfshirë gratë dhe fëmijët, sulmin e qëllimshëm në infrastrukturën jetësore civile dhe pengimin e ofrimit të ndihmës thelbësore humanitare, ndihmat dhe shërbimet për civilët në kundërshtim të drejtpërdrejtë me Rezolutat e KS të OKB-së.
Përveç kësaj, ky regjim terrorist ka një histori të gjatë dhe të errët të sulmeve kibernetike kundër infrastrukturës së shteteve sovrane. Siç u përmend në deklaratën e Iranit të dhënë më herët në këtë Dhomë, sulmet Stuxnet dhe Duqu ndaj objekteve bërthamore paqësore të Iranit janë shembuj të qartë të aktiviteteve kriminale dhe sulmeve kibernetike të Izraelit kundër infrastrukturave kritike.
Këto veprime kriminale, të pranuara hapur nga ky regjim, dëshmojnë përfshirjen e tij në operacione keqdashëse kibernetike. Me historinë e tij të shkeljeve skandaloze të parimeve bazë të së drejtës ndërkombëtare, ky regjim nuk është në gjendje të akuzojë të tjerët apo të ligjërojë për respektimin e këtyre parimeve. Ky regjim nuk duhet të mbetet pa u ndëshkuar dhe Këshilli i Sigurimit duhet ta mbajë atë përgjegjës për të gjitha krimet ndërkombëtare që ka kryer dhe vazhdon të kryejë.
Unë ju falënderoj./gazetaimpakt/en.mehrnews
