Ambasadori palestinez në Kombet e Bashkuara (OKB), Riyad Mansour, ka dënuar sulmin ajror izraelit në Spitalin Baptist Al-Ahli në Gaza, duke e akuzuar Këshillin e Sigurimit të OKB-së për dështimin për të “mbajtur përgjegjësinë” për ndalimin e luftës midis Izraelit dhe grupit palestinez Hamas.
“Ne e dënojmë këtë veprim në termat më të ashpër të mundshëm dhe e konsiderojmë Izraelin përgjegjës për këtë masakër”, tha Mansour, duke shtuar se përgjegjësit për këtë krim duhet të përballen me përgjegjësinë.
Mansour theksoi se ata, si një grup arab, kërkojmë menjëherë armëpushim, sepse vazhdimi i luftës do të thotë vrasja e më shumë palestinezëve në çdo moment.
“Sikur Këshilli i Sigurimit të kishte marrë përgjegjësinë e tij dje dhe të ndalonte luftimet, të ndalonte luftën, atë agresion, krimin kundër popullit tonë dje, atëherë do të kishim qenë në gjendje t’i kishim ende gjallë me ata 500 të vrarë”, tha ai.
Zëdhënësi i Ministrisë së Shëndetësisë, Ashraf al-Qudra, për Anadolu tha se mbrëmë më shumë se 500 njerëz u vranë në sulmin ajror izraelit në Spitalin Baptist Al-Ahli.
Pamjet në mediat sociale treguan trupa të shpërndarë nëpër mjediset e spitalit.
Sulmi ajror erdhi në ditën e 11-të të konfliktit midis Izraelit dhe Hamasit, me një thirrje ndërkombëtare në rritje të grupeve joqeveritare dhe udhëheqësve botërorë që thonë se fushata e bombardimeve izraelite në enklavën e rrethuar, duke përfshirë objektet e kujdesit shëndetësor, shtëpitë banuese dhe shtëpitë e adhurimit, shkel të drejtën ndërkombëtare dhe mund të përbëjë krime lufte./AA
