Izraeli njoftoi të enjten se ka përjetuar sulmin më të madh nga Libani që nga përshkallëzimi i konfliktit në Gaza në fillim të muajit të kaluar.
Rreth 50 predha ranë në qytetet e Galilesë së Epërme, që është bombardimi më i madh në veri të Izraelit, sipas Radios së Ushtrisë Izraelite.
Në qytetet izraelite pranë kufirit libanez u aktivizuan sirenat, ndërsa u vërejtën goditje të drejtpërdrejta në shtëpitë në zonën Manara, por pa viktima.
Gjithashtu sipas raportit, “dy raketa antitank goditën një shtyllë ndriçimi në zonën e Galilee Panhandle. Nuk pati viktima, por pati dëme”.
Ndërkohë, Hezbollahu libanez tha se kishte shënjestruar dy togje këmbësorie të ushtarëve izraelitë në veri të Izraelit.
Grupi tha se togjet e synuara ishin në zonat Dhayra dhe Jal al-Alam.
Hezbollahu tha gjithashtu se ka shënjestruar bazën ushtarake izraelite Ein Zeitim me 48 raketa “Katyusha” në qytetin verior të Izraelit, Safed./Aa
