Kryeministri izraelit Benjamin Netanyahu tha se ushtria izraelite do të hyjë në Rripin e Gazës “me forcë të plotë” në ditët në vijim për të përfunduar ofensivën e vazhdueshme në territorin e rrethuar dhe për të “mposhtur” lëvizjen palestineze të rezistencës Hamas.
“Në ditët në vijim, ne do të hyjmë me forcë të plotë për të përfunduar operacionin. Përfundimi i operacionit do të thotë mposhtja e Hamasit. Do të thotë shkatërrimi i Hamasit”, deklaroi të martën Netanyahu, sipas një deklarate nga zyra e Netanyahut. “Nuk do të ketë asnjë situatë ku ne do ta ndalojmë luftën. Mund të ndodhë një armëpushim i përkohshëm, por ne do të shkojmë deri në fund”, shtoi ai.
Kryeministri izraelit vuri në dukje gjithashtu se Izraeli ka ngritur një administratë që do t’u lejojë banorëve të Gazës të largohen, duke shtuar se regjimi i tij po punon për të gjetur vende që mund të jenë të gatshme të pranojnë palestinezë nga Gaza. Netanyahu ka pohuar se “mbi 50 përqind do të largohen” nëse u jepet mundësia, sipas deklaratës. Që nga fillimi i luftës në tetor 2023, Izraeli ka sinjalizuar dëshirën e tij për të pastruar Gazën nga popullsia palestineze.
Netanyahu ka thënë se Izraeli do të zbatojë skemën e Presidentit të SHBA-së, Donald Trump, për zhvendosjen e pjesës më të madhe të popullsisë së Gazës në vende të tjera. Palestinezët dhe vendet arabe e kanë hedhur poshtë totalisht propozimin e Trump, për të cilin ekspertët e të drejtave të njeriut thonë se do të shkelte të drejtën ndërkombëtare./parstoday
