Sipas OKB-së, rreth 1.7 milionë njerëz, gati tre të katërtat e popullsisë së Gazës, janë zhvendosur, me 900,000 të grumbulluar në strehimore të mbushura me njerëz të drejtuar nga OKB-ja.
Izraeli ka urdhëruar vazhdimisht palestinezët që të largohen nga Gaza veriore dhe të kërkojnë strehim në jug, i cili gjithashtu ka qenë nën bombardime ajrore që nga fillimi i luftës.
Sulmet në kampet e refugjatëve Nuseirat dhe Bureij të hënën vranë të paktën 40 njerëz, sipas zyrtarëve të spitalit, dhe banorët thanë se dhjetëra të tjerë u varrosën në rrënoja.
Më shumë se 12,700 palestinezë, duke përfshirë më shumë se 5,000 të mitur dhe 3,250 gra, janë vrarë në Gaza, tha të hënën Ministria palestineze e Shëndetësisë në Bregun Perëndimor – një rritje prej 1,200 vdekjesh nga një ditë më parë. Zyrtarët shëndetësorë nuk mund të kontaktoheshin menjëherë për të elaboruar mbi rritjen e konsiderueshme.
Për 10 ditët e fundit, zyrtarët kanë lëshuar numra më sporadikisht duke thënë se po luftojnë për të mbajtur numërimin mes gabimeve të komunikimit. Ministria e Bregut Perëndimor koordinon me zyrtarë në Ministrinë e Shëndetësisë të Gazës
Zyrtarët atje thonë se 4000 të tjerë janë të zhdukur dhe besohet se të varrosura në rrënoja. Numri i tyre i të vdekurve dhe të zhdukurve nuk bën dallim mes civilëve dhe luftëtarëve/AP/Gazetaimpakt
