Një raport i ri ka zbuluar se një helikopter ushtarak izraelit hapi zjarr ndaj luftëtarëve palestinezë, por plagosi izraelitë që merrnin pjesë në një festival gjatë një sulmi të 7 tetorit nga Hamasi kundër Izraelit. Gazeta Haaretz tha se një vlerësim i sigurisë izraelite bazohej në një hetim nga policia me luftëtarët e Hamasit të cilët u arrestuan më 7 tetor.
Haaretz raportoi se helikopteri ushtarak mbërriti në vendin e festivalit dhe hapi zjarr mbi luftëtarët, por gjithashtu plagosi disa pjesëmarrës të festivalit. Ai tha, se personat e armatosur nuk kishin informacion paraprak për festivalin që mbahej afër Kibbutz Re’im, afër kufirit me Gazën. Gazeta izraelite Yedioth Ahronoth botoi gjithashtu një raport për helikopterët e Forcave Ajrore izraelite që ndërhynin në sulmin e kryer nga Hamasi dhe grupet e tjera të armatosura palestineze nga Gaza më 7 tetor.
Forcat izraelite “e kishin të vështirë të identifikonin luftëtarët e Hamasit”, duke shtuar se pilotët e helikopterëve “përdorën artileri” kundër civilëve në festival.
Luftëtarët e Hamasit “u udhëzuan të përziheshin ngadalë me turmën dhe të mos lëviznin në asnjë rrethanë”, “Në këtë mënyrë, ata u përpoqën të mashtronin forcat ajrore duke besuar se ata që ishin poshtë ishin izraelitë. Ky mashtrim funksionoi për një kohë, derisa helikopterët Apache u desh të çliroheshin nga të gjitha kufizimet. Pilotët e kishin të vështirë të dallonin se kush ishte terrorist dhe kush izraelit”, shtoi raporti.
Raporti hedh poshtë pretendimin e Izraelit
Gazeta tha se “kur e kuptuan këtë, disa prej tyre vendosën të përdorin predha artilerie kundër terroristëve në mënyrë të pavarur, pa marrë leje nga eprorët e tyre”. Policia vlerësoi se numri i të vrarëve në festival ishte 364, por nuk bëri të ditur identitetin e tyre. Detajet e hetimit janë në kundërshtim me te dhenat zyrtare izraelite mbi sulmin nga grupi i rezistencës palestineze, i cili pretendonte se luftëtarët e Hamasit masakruan të ftuarit në festival.
Lufta e Izraelit në Gaza
Qindra luftëtarë të Hamasit kaluan në Izrael në një operacion të papritur të quajtur “Stuhia Al Aksa”, duke shkaktuar një sulm të përgjakshëm hakmarrës izraelit ndaj palestinezëve në Gaza. Izraeli ka vrarë më shumë se 12,300 palestinezë në sulmet e tij ajrore dhe tokësore në Rripin e Gazës që nga ofensiva e befasishme e Hamasit. Ndërkohë, numri zyrtar i të vdekurve nga Izraeli është rreth 1200. Mijëra ndërtesa, duke përfshirë spitale, xhami dhe kisha, ose janë dëmtuar ose shkatërruar në sulmet e pamëshirshme të Izraelit në enklavën e rrethuar.
Një bllokadë izraelite ka ndërprerë gjithashtu Gazën nga furnizimet me karburant, energji elektrike dhe ujë dhe ka reduktuar dërgesat e ndihmave. Izraeli ka refuzuar thirrjet në rritje për një armëpushim deri në lirimin e pengjeve të mbajtura nga Hamasi. /gazetaimpakt/trtworld
