Një burim informativ njoftoi për sulmet me artileri të rezistencës palestineze kundër bazave dhe pozicioneve të ushtrisë së regjimit pushtues sionist.
Kanali televiziv Al-Mayadeen njoftoi se Brigadat “Saraya Al-Kuds” shënjestruan me sulmet e tyre artilerie vendin e grumbullimit të ushtarëve të regjimit sionist në “Kisofim” dhe në zonën Al-Ain al-Thirah.
Brigadat “Saraya Al-Kuds” kanë sulmuar me raketa edhe qendrat e grumbullimit të ushtarëve sionistë në bazën ushtarake “Nirim”.
Ushtria sioniste njoftoi mbrëmë (të hënën) se dy ushtarë sionistë u vranë dhe katër të tjerë u plagosën gjatë betejave tokësore në veri të Rripit të Gazës.
Përfshirë këta dy ushtarë, ushtria sioniste ka pranuar vrasjen e 48 ushtarëve dhe oficerëve që nga fillimi i betejave tokësore kundër Rripit të Gazës.
Nga ana tjetër, mediat sioniste njoftuan se njësia 669 e ushtrisë sioniste ka kryer më shumë se 260 operacione ajrore dhe tokësore për transportimin e të vrarëve dhe të plagosurve që nga fillimi i sulmeve tokësore kundër Rripit të Gazës.
Që nga fillimi i betejës Stuhia Al-Aksa, janë vrarë 363 ushtarë të regjimit sionist, 59 forca policore dhe 10 agjentë të organizatës së sigurisë së brendshme të këtij regjimi (Shabak).
Të shtunën, më 7 tetor 2023, forcat palestineze të rezistencës filluan një operacion befasues të quajtur “Stuhia Al-Aksa” nga Gaza kundër pozicioneve të regjimit pushtues sionist. Nga ana tjetër, Tel Avivi me qëllim që të hakmerret dhe të kompensojë disfatën e tij dhe të ndalojë operacionet e rezistencës palestineze, ka mbyllur të gjitha vendkalimet e Rripit të Gazës dhe aktualisht është duke bombarduar këtë zonë./parstoday
