Gëzim Katuçi
Irani rishikoi në mënyrë dramatike strategjinë e tij të raketave pas luftës së qershorit 2025. 24 orët e fundit kanë treguar se si:
Hakmarrje e menjëhershme: Në vend që të priste për ditë apo orë, IRGC filloi kundërsulmet menjëherë. Goditjet fillestare SHBA–Izrael: 9:27–9:45 paradite. Kundërpërgjigjja iraniane deri në orën 10:00.
Shënjestrim rajonal, në shumë fronte: Sulme “të gjera me raketa dhe dronë” ndaj 27 bazave amerikane, nga Baza Ajrore Al Udeid (selia rajonale e CENTCOM-it), te Naval Support Activity Bahrain (shtëpia e Flotës së 5-të), si dhe pika në Jordani dhe Arabinë Saudite ku forcat amerikane ishin përqendruar javët e fundit. Mbi 20 valë sulmesh kundër Izraelit, duke shënjestruar Tel Avivin, Haifën, Lartësitë e Golanit, etj.
Nisje “si me sahat”: Në vend të valëve të mëdha kryesisht gjatë natës, Irani ka kaluar në lëshime të vazhdueshme 24 orë në ditë, të projektuara për të lodhur fizikisht dhe psikologjikisht mbrojtjen e armikut dhe për të shkaktuar tronditje te aleatët rajonalë të SHBA-së.
Efekti i dukshëm: Liga Arabe ka bërë thirrje që palët “të punojnë drejt uljes së tensioneve” dhe “të shpëtojnë rajonin nga paqëndrueshmëria dhe dhuna”. Ndërkohë, qytetarë të zakonshëm në disa vende të Gjirit, si Bahreini, po festojnë hapur kundërsulmin iranian.
Mbipopullim i mbrojtjes ajrore: Pamje nga disa zona tregojnë sistemet Patriot duke qëlluar intensivisht për të kapur raketat iraniane, shpesh pa sukses, për shkak të strategjisë iraniane që kombinon raketa më të ngadalta (për të mbingarkuar mbrojtjen) me raketa hipersonike të serisë Fattah kundër objektivave me prioritet.
Sulm urban: Ndryshe nga kundërsulmet e mëparshme, kur rrjetet sociale iraniane paralajmëronin civilët izraelitë për zonat e shënjestruara, këtë herë nuk janë parë paralajmërime të tilla. Duke pasur parasysh ashpërsinë e sulmit SHBA–Izrael (goditje ndaj udhëheqjes iraniane, familjeve të tyre, një shkolle vajzash, etj.), Irani duket se ka ndryshuar qasjen.
Goditje urbane me saktësi: Pamje nga Gjiri tregojnë atë që duket si shënjestrim i qëllimshëm i disa ndërtesave, si hoteli Fairmont The Palm në Dubai dhe Burj Al Arab. Kanale mediatike iraniane dhe analistë OSINT dyshojnë se objektivat mund të kenë qenë personel ushtarak amerikan ose struktura sekrete të CIA-s.
Ekzekutim i decentralizuar: Intensiteti dhe ritmi i kundërsulmit tregojnë se IRGC ishte i përgatitur për një skenar të tillë, me sulme që vazhduan pavarësisht goditjeve të rënda ndaj udhëheqjes politike dhe ushtarake të Iranit.
/fb
