Turqia ka shpëtuar 125 emigrantë të në Detin Egje pasi ata u shtynë ilegalisht në ujërat territoriale turke nga autoritetet greke, tha sot Roja Bregdetare Turke, transmeton Anadolu.
Njësitë e rojës bregdetare vunë re grupe emigrantësh të parregullt në gomone në brigjet e rretheve Dikili dhe Menderes të provincës perëndimore të Izmirit dhe i shpëtuan nga deti.
Emigrantët u dërguan në zyrat e migracionit për procedura të rregullta.
Turqia dhe grupet globale të të drejtave kanë dënuar në mënyrë të përsëritur praktikën e paligjshme të Greqisë për të shtyrë mbrapa azilkërkuesit, duke thënë se kjo shkel vlerat humanitare dhe ligjin ndërkombëtar duke rrezikuar jetën e migrantëve të cenueshëm, duke përfshirë gratë dhe fëmijët.
Turqia ka qenë një pikë kyç tranziti për migrantët e parregullt që duan të kalojnë në Evropë për të filluar jetë të re, veçanërisht ata që ikin nga lufta dhe persekutimi./AA
