Presidenti turk, Recep Tayyip Erdogan, ka deklaruar se sulmet në Gaza ndaj spitaleve, vendeve të kultit dhe objekteve që duhet të mbrohen, si dhe zhvendosja e njerëzve është “çnjerëzore dhe barbarizëm”.
Presidenti Erdogan njoftoi se shefi i diplomacisë turke dhe shefi i inteligjencës u angazhuan në bisedime për lirimin e pengjeve izraelite në Gaza, me përpjekje të përbashkëta me Katarin.
Ai tha se Turqia shpreson të arrijë sa më parë rezultate pozitive në shkëmbimin e pengjeve, duke shtuar: “Jemi në komunikim të vazhdueshëm”.
“Prioriteti i Turqis është armëpushimi i menjëhershëm në Gaza dhe dërgimi i papenguar i ndihmave humanitare”, theksoi Erdogan./AA