Huthit e mbështetur nga Irani në Jemen njoftuan se kanë shënjestruar me raketa një anije të marinës amerikane në Gjirin e Adenit. Zëdhënësi ushtarak i Huthive, Yahya Saree në deklaratën e tij në platformën e mediave sociale X dha informacione për sulmin e kryer nga forcat e Huthive në Gjirin e Adenit në jug të Jemenit.
Ai tha se kanë shënjestëruar anijen e marinës amerikane “Lewis B Puller” me një “raketë të përshtatshme detare”. Saree deklaroi se sulmi në fjalë është kryer për të mbështetur popullin palestinez dhe për t’iu përgjigjur sulmeve të SHBA-së dhe Britanisë së Madhe ndaj Jemenit.
“Detyrat e anijes përfshijnë ofrimin e mbështetjes logjistike për forcat amerikane që marrin pjesë në sulmin ndaj vendit tonë”, tha ai.
Saree theksoi se ata do të vazhdojnë të bllokojnë anijet që i përkasin Izraelit ose që shkojnë në portet izraelite derisa të ndalojnë sulmet në Gaza dhe të hiqet bllokada./AA
