Zyrtari i lartë i Iranit për të drejtat e njeriut ka përshëndetur një aksion nga policia franceze ndaj selisë kryesore të grupit terrorist të Organizatës Muxhahedin Khalq (MEK) në një zonë në periferi të Parisit, duke thënë se nuk do të ketë “vend të sigurt për terroristët”.

Në një postim në X të enjten, Kazem Gharibabadi, i cili shërben si kreu i Këshillit të Lartë Gjyqësor iranian për të Drejtat e Njeriut, tha se Republika Islamike e mirëpriti kontrollin nga policia franceze në selinë kryesore të MEK-ut në periferi të Parisit, “Saint-Ouen- l’Aumône që çoi në mbylljen e lokaleve dhe ndalimin e të paktën tre anëtarëve të grupit.

“E mirëpresim sulmin e policisë franceze në selinë kryesore të grupit terrorist të MEK, inspektimin e plotë të selisë, arrestimin e tre anëtarëve të fraksionit dhe mbylljen e këtij shtabi. Ky operacion u monitorua drejtpërdrejt nga Irani”, tha ai.

“Irani nuk do të lërë asnjë vend të sigurt për terroristët”, pohoi Gharibabadi.

Agjencia iraniane e lajmeve “Tasnim” raportoi se forcat franceze të sigurisë të mërkurën bastisën selinë e MEK, të njohur gjithashtu si të ashtuquajturit Muxhahedinët e Popullit të Iranit dhe arrestuan tre nga anëtarët e saj.

Bastisja ndodhi në një vend ku ndodhet studioja televizive e MEK-ut, thuhet në raport, duke shtuar se grupit iu desh të zëvendësonte programet e drejtpërdrejta me përmbajtje arkivore për disa orë.

Sipas raportit, forcat e sigurisë sekuestruan edhe një depo armësh të fshehura në seli, duke sugjeruar angazhimin e vazhdueshëm në aktivitete terroriste dhe kriminale nga ky grup.

Grupi terrorist, MEK është përgjegjës për vdekjen e mijëra civilëve iranianë gjatë katër dekadave të fundit.

Grupi famëkeq mbajti anën e Sadam Huseinit gjatë luftës së Irakut me Iranin në vitet 1980, por u largua nga Bagdadi pasi ai u rrëzua nga një pushtim i udhëhequr nga SHBA në 2003./GazetaImpakt/ presstv