Forcat e Armatosura të Jemenit kanë njoftuar rrëzimin e një droni të avancuar amerikan ndërsa avioni po kryente një operacion në mbështetje të regjimit izraelit.
Droni MQ-9 Reaper u rrëzua duke përdorur një raketë tokë-ajër ndërsa avioni po fluturonte në hapësirën ajrore mbi ujërat territoriale të Jemenit, thanë Forcat e Armatosura në një deklaratë të mërkurën, njoftoi rrjeti televiziv i Jemenit al-Masirah.
Avioni u godit gjatë kryerjes së një operacioni “spiunazhi armiqësor” në kuadër të mbështetjes ushtarake të Shteteve të Bashkuara për regjimin izraelit, shtohet deklarata.
“Forcat e Armatosura të Jemenit vënë theksin në të drejtën e tyre legjitime për të mbrojtur vendin dhe për t’u përballur me të gjitha kërcënimet armiqësore,” tha zëdhënësi i forcave, gjeneral brigade Yahya Saree.
“Këto manovra armiqësore nuk shërbejnë për të parandaluar Forcat e Armatosura të Jemenit nga kryerja e operacioneve ushtarake kundër regjimit sionist të Izraelit dhe në mbështetje të kombit palestinez,” shtoi ai.
Ushtria jemenase ka kryer së fundmi disa operacione ushtarake kundër objektivave izraelite në përgjigje të luftës së tanishme të 7 tetorit të regjimit pushtues kundër territorit palestinez të Rripit të Gazës, e cila deri më tani ka vrarë më shumë se 10,500 palestinezë.
Të martën, Forcat e Armatosura të vendit thanë se kishin nisur një sulm në shkallë të gjerë me dron kundër objektivave “të ndjeshëm” në territoret e pushtuara në shenjë mbështetjeje për popullin palestinez në Rripin e rrethuar të Gazës.
Më 31 tetor gjithashtu, forcat kishin nisur sulme ushtarake në shkallë të gjerë kundër objektivave izraelite duke përdorur një “grumcë të madhe raketash balistike dhe me krahë dhe një numër të madh dronësh”. Ushtria e Jemenit është zotuar të vazhdojë sulmet për sa kohë që regjimi pushtues vazhdon me luftën e tij kundër Gazës./PressTV/GazetaImpakt
