Me anë të një postimi në rrjetet sociale, gazetarja e kronikës Klodiana Lala ka shprehur revoltën ndaj maxhorancës, e cila me votoi projektligjin që i hap rrugë shembjes së Teatrit Kombëtar.
Sipas Lalës shteti ka rënë pasi ka rënë Gjykata Kushtetuese.
‘Është një akt i turpshëm që ligjëroi vjedhjen e Pronës Publike’ shton më tej gazetarja.
Postimi i plotë:
“Shteti ka rënë. Sepse ka rënë Gjykata Kushtetuese. Plani që çoi në kapitullimin e Gjykatës Kushtetuese ishte sa djallëzor aq edhe mafoz.
Akti i turpshëm që ndodhi në Kuvend duke ligjëruar vjedhjen e Pronës Publike që sjell dhe shembjen e Teatrit Kombëtar nuk mund të zhbëhet sepse s’ka Kushtetuese.
Për të gjithë zërat mediokër që duartrokitën rënien e Gjykatës po ju kujtoj se nuk janë as më shumë e as më pak se njerëz pa shtyllë kurrizore.”
