Arabia Saudite po përpiqet që ta kthejë vendin në një qendër argëtimi me projekte ambicioze te cilat mbështeten nga Princi i Kurorës Mohammed bin Salman. Ai po kërkon që të krijojë edhe një festival me dema, si në Pamplona të Spanjës. Mbretëria konservatore e Gjirit gjithashtu shpreson të hapë një muze me statuja dylli dhe të presë reperin e famshëm Jay Z. Shefi i Autoritetit të Përgjithshëm të Kulturës, Turki al-Sheikh po kërkon të krijojë miliarda dollarë të ardhurash.
Imazhi i tij dhe ai i vendit janë dëmtuar në muajt e fundit nga vrasja e gazetarit saudit Jamal Khashoggi. Khashoggi – një kritik i shquar i qeverisë në SHBA – u vra në konsullatën saudite në Stamboll gjatë muajit tetor. Prokurorët sauditë kanë thënë se Khashoggi u vra në një operacion “mashtrues” nga agjentët e inteligjencës, dërguar për ta bindur atë që të kthehej në mbretëri.