Shqiperia

“Do arrestonim Berishën, por ambasadorët na kërcënuan dhe na bënë presion”

Ish Ministri i Jashtëm, Paskal Milo ka bërë një deklaratë të fortë në emisionin “Të Paekspozuarit” e Ylli Rakipit në Neës24. Milo kujtoi vitin 1998, pas protestës së 14 shtatorit, kur qeveria socialiste ishte gati t’i hiqte imunitetin Sali Berishës për t’i hapur rrugë arrestimit të tij. Por sipas Milos. presioni nga ambasadat ishte i madh, “aq sa jemi kërcënuar me ndërprerjen e ndihmave dhe mbështetjes”.
“Kemi pasur raste qe jemi ndodhur nën presionin për kërkesa që ata kanë paraqitur te ne, për të mposhtur edhe ndonjë rezistencë që mund të bëhej nga ne, nisur nga mbrojtja sic ne e mendonim.
Ka patur debate të shumta të ndryshme dhe po ju them që në shtator të vitit 1998 pas ngjarjeve të 14 shtatorit qeveria shqiptare dhe drejtësia shqiptare vendosi ti heqë imunitetin Sali Berishës, kreut të PD. Ne në atë kohë jemi ndodhur para një presioni të jashtëzakonshem nga ambasadorët kryesorë për të mos ia hequr imunitetin Sali Berishës dhe aq më tepër për të mos e futur në burg, aq sa jemi kërcënuar me ndërprerjen e ndihmave dhe mbështetjes. Më tepër kanë këmbëngulur dy ambasadorë të kohës, të vendeve anëtare të BE, italian dhe ai gjerman. Ambasadori amerikan nuk ishte në vijën e parë të presioneve sic ishin ambasadorët e vendeve anëtare të BE”.

OPINIONE

INTERVISTA