Bota

Dy aksidente në punë në Itali, rëndë dy punëtorë shqiptarë

Aksidentet në punë vazhdojnë të regjistrojnë në Itali viktima e të plagosur rëndë. Vitit 2019 u mbyll me statistika tragjike, rreth 1000 punëtorë të mbetur viktimë gjatë orarit të punës e viti 2020 ka nisur po me episode dramatike ku janë përfshirë dhe punëtorë shqiptarë.

Gjatë 24 orëve të fundit në Itali janë regjistruar dy aksidente në punë ku janë plagosur rëndë dy punëtorë emigrantë shqiptarë.

Rreth orës 10.45 të ditës së sotme një emigrant shqiptarë 48 vjeç është rrëzuar nga skela në lartësi 5 metra e një kantieri ndërtimi, gjatë punimeve në një pallat në qëndër të Milanos.

Shqiptari ndodhet në gjëndje kritike për jetën e po kurohet në spitalin Niguarda të qytetit, Autoritetet kanë hapur një proces hetimor për të zbardhur dinamikën e këtij aksidenti në punë.

Një tjetër aksident në punë është regjistruar pasditen e datës 8 janar 2020 në komunën Caresana në provincën e Vercellit në rajonin e Piemontes.

Një punëtor shqiptar 34 vjeç është rrëzuar nga një lartësi 10 metra ndërsa po punonte në catinë e një ndërtese. Ai ndodhet i shtruar në repartin e reanimacionit në spitalin lokal e gjëndja shëndetësore e tij vazhdon të jtë kritike.

Gjatë viti 2019 në Itali janë shënuar 997 viktima gjatë aksidenteve në punë e rreth 590 mijë denoncime për aksidente e dëmtime fizike gjatë aktivitetit të punës, Numri më i lartë i viktimave të punës është regjistruar në rajonin e Lombardisë.

Ndërsa gjatë 10 viteve të fundit numri i viktimave të aksidentëve të punës në Itali është rreth 17 mijë punëtorë./ Ora