Presidenti Recep Tayyip Erdogan bëri të ditur se kurrë nuk do të ndalen hapat që hidhen në luftën kundër terrorizmit.
Presidenti Erdogan mbajti një fjalim në Konferencën e 3-të të Kryeparlamentarve të mbajtur në Stamboll me temë “Lufta Kundër Terrorit dhe Lidhja Rajonale”.
Duke e bërë të ditur se operacionet antiterroriste të kryera nga Forcat e Armatosura Turke në Siri dhe Irak kurrë nuk synojnë integritetin territorial dhe të drejtat sovrane të këtyre vendeve, Presidenti Erdogan tha se operacioni “Burimi i Paqes” që la prapa ditën e 3-të do të kontribuojë në kthimin e sigurt të refugjatëve sirianë të strehuar në Turqi në shtëpitë e tyre.
“Lufta jonë nuk është kundër vëllezërve tanë kurdë, por kundër organizatës separatiste terroriste PKK dhe fraksionit të saj në Siri PYD/YPG.
Kreu i shtetit turk gjithashtu shtoi se “Kjo luftë nuk do të ndalë pa marrë parasysh se kush çfarë thotë”, ndërsa tha se “Nuk ka kthim prapa”.
“Problemet tona nuk janë fati i gjeografisë sonë, është në duart tona për të ndaluar këtë rrugë të keqe”, deklaroi Erdogan, ndërsa tha se operacioni “Burimi i Paqes” nuk kryhet për të coptuar, ndarë Sirinë, por për të mbrojtur ligjin e të gjithëve që jetojnë në këtë vend. /trt