Tashmë prej më shumë se një muaji, në kuadër të masave të ndërmarra nga qeveria për parandalimin e përhapjes së COVID-19, të gjithë qytetarët duhet të qendrojnë në shtëpi, nëse nuk janë të autorizuar të punojnë.
Masat e ndërmarra kanë bërë që shumë biznese të mbyllen dhe aktiviteten që grumbullojnë njerëz të mos zhvillohen.
Po artistët kanë gjetur një mënyrë, tjetër për të kënaqur publikun dhe kryesish banorët e “kyçur” në shtëpi nga virusi vdekjeprurës, duke zhvilluar koncerte për to, një mënyrë kjo për ti argëtuar në kushtet ku ato ndodhen.
Në Elbasan duket se koncerti i një grupi aktivistësh të mbështetur nga Bashkia Elbasan, nuk është mirëpritur nga qytetarët e lagjes “5 Maji”.
Thirrjet “Rama ik” kanë shpërthyer nga ballkonat e pallateve nga qytetarët që kanë shprehur pakenaqësinë ndaj qeverisjes dhe kryeministrit Edi Rama./Faxweb
