Historia

Kulla e sahatit të Janinës, aliazh i tre kulturave

Po të shkosh në Janinë është e pamundur të mos dëgjosh për sahatin e qytetit si një pikë takimi. Pak e dinë historinë e këtij sahati, kur u ndërtua, nga kush, dhe cila ishte vendndodhja e tij origjinale. Fillimisht kulla e sahatit ishte ndërtuar në veri të sheshit të sotëm në kryqëzimin me Rrugën Averof.

U projektua dhe u ndërtua nga arkitekti i njohur Perikli Merikluto, që kishte ndërtuar disa nga godinat më të rëndësishme publike dhe private të Janinës si Kaplaneio Hall, Shkolla e Vjeter Zosimaia dhe Shkolla Papazogleio. Sahati u ndërtua me urdhër të Osman Pashës, Guvernatori i Epirit dhe Shqipërisë në vitin 1905, me rastin e pervjetorit të Sulltan Abdul Hamidit të II.

Kulla përbëhet nga një frëngji elegante, përzierje e normës neoklasike dhe orientale. Sikurse mund të shihet në krye është një parmak i bukur guri, ndërsa kolona të vogla mbështesin një kube prej gize. Këmbana është e stilit venecian. Në të katër anët janë vendosur pllaka me simbole osmane.

Në përgjithësi, kjo është një strukturë e përsosur është një aliazh i tri kulturave, dhe për këtë arsye ajo është konsideruar si modeli i një ndërtese neoklasike. Në vitin 1918 kulla u dëmtua gabimisht gjatë paradës së artilerisë. Shtatë vjet më vonë, në vitin 1925, ajo u zhvendos në vendndodhjen e saj të tanishme. Në vitin 1926 ora punonte memekanizmin e vjetër hoalndez dhe deri në vitet 60 kurdisej me manivelë.

Në vitin 1963 komuna e qytetit instaloi një motor. Pas 85 vitesh pune, vitin 2010, motori e ndërpreu funksionin dhe ishte e pamundur për të gjetur pjesë këmbimi dhe mekanizmin që do të riparohej për shkak se fabrika ishte mbyllur që nga fillimi i 1980. Objekti i ri, i cili është vendosur në vitin 2012 është një kopje e saktë e mekanikës klasike, e blerë në Zvicër për 5,000 euro.

Tani kulla e sahatit është një monument historik dhe i është nënshtruar disa herë restaurimeve. Disa ditë më parë u publikua në internet një foto e rrallë e 1905 që tregon kullën e sahatit gjatë ndërtimit. Kulla ndryshon në mënyrë të konsiderueshme nga ndërtesat që e rrethojnë atë, dhe i jep një hijeshi të peisazhit ashpër dhe malor të Epirit. Pra, për 112 vjet vazhdon të masë kohën në një qytet që jeta evoluon dhe populli i saj ndryshon.

http://www.protothema.gr/city-stories/article/693463/to-roloi-ton-ioanni…/ respublica

OPINIONE

INTERVISTA