Të paktën 20 protestues muslimane janë vrarë në përleshjet në mes të protestuesve dhe policisë në Kashmirin e administruar nga India. Autoritetet kanë thënë se tre ushtarë indianë, 13 militantë të dyshuar dhe katër civilë janë vrarë dhe dhjetëra të tjerë janë plagosur në një betejë të ashpër në jug të Sringarit. Zyrtarët kanë raportuar se policia ka hapur zjarr, pasi mijëra protestues kanë dalë në rrugë dhe kanë hedhur gurë duke brohoritur kundër rregullit indian. Demonstrata janë raportuar edhe në Srinagar, pas të cilave të gjitha shkollat janë mbyllur më 2 prill për shkak të thirrjeve për më shumë marshe. Protestat kanë nisur pasi trupat indiane kanë lansuar një operacion kundër-rebelimit në jug të Kashmirit. Ky rajon njihet si skenë e aktivitetit militant kundër rregullit të Nju Delhit. Kashmiri është ndarë në mes të Indisë dhe Pakistanit prej përfundimit të rendit britanik më 1947. Të dyja vendet kanë pretendime për rajonin dhe kanë zhvilluar dy lufta për këtë vend.
