Kryeministri Edi Rama në mbledhjen e qeverisë ka deklaruar se për shkak të tërmetit sot do të shpallet gjendja e jashtëzakonshme.
“Ata të cilat kanë ndikuar në opinion publik, me idenë që të mos shpallin gjendjen e jashtëzakonshme që të mos marrin përgjegjësitë tona.
Dua t’u them qytetarëve që e kanë bërë të vetëm këtë tezë, pafajësisht, pa e ditur çfarë është gjendja e jashtëzakonshme, e kam edhe për gazetarët.
Dje nuk ka qenë momenti për këtë, dje ka qenë momenti për të adresuar hemorragjinë e tmerrshme që shpërtheu. Ministrja e Energjisë erdhi me vonesë në mbledhje por jo se u zgjua vonë nga gjumi por është gdhirë në atë rrugicë, që mbajnë ende nën rrënoja 6 trupa që ne lusim zotin që të jenë në jetë.
Ne sot do të shpallin gjendjen e jashtë zakonshme. Ashtu si ligji dhe Kushtetuta e parashtrojnë, do të jetë një gjendje e jashtëzakonshme në perimetrin që u shtri tragjedia, në Tiranë dhe Durrës. Gjendja e jashtëzakonshme nuk është një çështje thjesht financash, por është një seri masash. Dje nuk mund të bënim politikë ndërkohë që Shqipëria ishte në lot. Sot marrin gjendjen e jashtëzakonshme kur, plagët akute janë aty”, u shpreh Rama.
Rama shpall 27 nëntorin ditë zie kombëtare. Kryeministri shpall gjendjen e jashtëzakonshme për perimetrin që përfshiu tërmeti, qarqet Tiranë dhe Durrës. Në mbledhjen e qeverisë ai shprehur mirënjohjen për të gjithë vendet që na kanë ndihmuar në këto ditë të vështira./tpz
