Shqiperia

Tenton të fusë drogë për djalin e saj në ambientet e paraburgimit, arrestohet 62-vjeçarja

Ka përfunduar në pranga një grua 62 vjeçare në Vlorë. Ajo ka tentuar të fusë lëndë narkotike për djalin e saj, në ambientet e paraburgimit, por u zbulua nga policia.

Në pranga u vu shtetasja me inicialet S.S. Pas kontrollit të ushtruar, mes ushqimeve është gjetur një sasi lënde narkotike prej 100 gr., e dyshuar cannabis sativa.

NJOFTIMI

Ditën e djeshme, në ambientet e paraburgimit IEVP Vlorë, shtetasja S. S. ka shkuar për t’i dërguar disa ushqime djalit të saj, i cili vuan dënimin për vepër penale në fushën e narkotikëve.

Pas kontrollit të ushtruar, mes ushqimeve është gjetur një sasi lënde narkotike prej 100 gr., e dyshuar cannabis sativa.

Menjëherë, në vijim të veprimeve është arrestuar në flagrancë 62-vjeçarja S. S., me banim në Vlorë, për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
Materialet iu referuan Prokurorisë, për veprime të mëtejshme./tpz

OPINIONE