Sondazhet që janë publikuar javët e fundit kanë konfirmuar rënien e popullaritetit të Presidentit të Shteteve të Bashkuara Donald Trump. Këto sondazhe tregojnë se niveli i popullaritetit të Trump ra edhe tek mbështetësit e tij dhe tek ata që votuan për të në zgjedhjet presidenciale të 2016-ës.
Megjithëse Trump ka deklaruar në mënyrë të përsëritur se nuk i konsideron kredibile sondazhet e bëra në Amerikë dhe i diskrediton ato, shqetësimi i presidentit të ri të Shteteve të Bashkuara nga procesi aktual dhe nga vazhdimësia e tij, është i pamohueshëm. Fakti është se Trump mund të fitojë vota elektorale në zgjedhjet presidenciale në Shtetet e Bashkuara. Në numërimin e votave publike në Shtetet e Bashkuara, Trump kishte më pak vota se rivalja i tij, Hillary Clinton (rreth tre milionë vota). Këto ditë, faktori i cënueshmërisë së Trump në ekuilibrin politik amerikan është jashtëzakonisht i lartë. Normalisht, Trump nuk kishte mbështetjen e më shumë se gjysmës së qytetarëve amerikanë. Nga ana tjetër, tendenca në rritje e pakënaqësisë publike ndaj presidentit të Shteteve të Bashkuara e ka vënë atë dhe bashkëpunëtorët e tij në një pozitë të vështirë. Reduktimi i numrit të përkrahësve të Trump nënkupton bashkimin e disa mbështetësve të tij me kundërshtarët e presidentit amerikan. Ky është lajmi më i keq i mundshëm për Trumpin. Qasja e politikës së jashtme të administratës së Trump, paaftësia e presidentit amerikan për të hequr planin e shëndetësisë së Obamës, pakënaqësitë në rritje të partnerëve evropianë të Uashingtonit nga Shtëpia e Bardhë, pakënaqësinë e eksportuesve dhe importuesve amerikanë ndaj Trump dhe konfrontimi i tij me agjencitë e sigurimit të SHBA lidhur me përfshirjen e Rusisë në zgjedhjet presidenciale Shtetet e Bashkuara, kanë bërë që shumë mbështetës të Trump të pendohen për votën e tyre për mbështetjen e tyre ndaj tij.
Nga ana tjetër, nuk duhet të harrohet se një pjesë e votave të Trump nuk ka qenë motivuese për të! Gjatë garës presidenciale të SHBA të vitit të kaluar, shumë qytetarë amerikanë nuk kishin një pikëpamje pozitive ndaj ish-sekretares së shtetit Hillary Clinton. Gjithashtu, shumë përkrahës të tjerë të demokratit Barney Sanders gjithashtu preferuan t’i japin votat të tyre në favor të Donald Trump. Duhet të theksohet se pas zbulimit të emaileve të diskutueshme mes liderëve demokratë (ku është folur për mbështetjen e tyre ndaj Hillary Clinton), shumë përkrahës të Sanders u zemëruan me Hillary Clintonit. Ajo gjithashtu e tregoi veten e saj në kongresin përfundimtar të Partisë Demokratike. Në fund të fundit, shumë përkrahës Sanders, duke dhënë votat e tyre në dobi të Trump, e bënë të mundur fitoren e tij në disa shtete të Amerikës. Edhe rekomandimet e Sanders për mbështetësit e tij që të mbështetnin Clinton në zgjedhjet presidenciale nuk kishin ndonjë efekt. Trump tani është i shqetësuar për humbjen e popullaritetit të tij në mesin e votuesve amerikanë. Kjo ka ndodhur me të vërtetë dhe është e qartë se në rrethana të tilla, nëse Trump do të merret në interpelancë nga Kongresi ose do të japë dorëheqjen, ai nuk do të shohë mbështetje nga opinioni publik. Ky është lajmi më i keq për Trump dhe bashkëpunëtorët e tij në Shtëpinë e Bardhë. Nga ana tjetër, rruga e Trump në fushën e politikës së brendshme dhe të jashtme në Shtetet e Bashkuara nuk është e atillë që të rrisë popullaritetin e tij në opinionin publik. Prandaj, tendenca rënëse në popullaritetin e presidentit të diskutueshëm amerikan duket se do të vazhdojë./ PT
