Bota

Atentat personit që donte të vriste Vladimir Putinin në vitin 2012

Jo shumë larg Kievit, në një qytezë të quajtur Hlevakha, të hënën mbrëma persona të panjohur e kanë sulmuar veturën në të cilën gjendej çeçeni Adam Osmayev, 36 vjeçar, i cili është i njohur si organizatori i atentatit ndaj Presidentit rus, Vladimir Putin më 2012. Me të në veturë ka qenë edhe bashkëshortja Amina Okuyeva 34 vjet, e cila është qëlluar në kokë dhe ka vdekur. Adam është plagosur në këmbë dhe momentalisht gjendet në spital.

Osmayev është bërë i njohur në gjithë botën pasi policia ruse lëshoi një urdhër arresti për të sepse ai po përgatiste një sulm ndaj Putinit në shkurt të vitit 2012. Në një aksion të organizuar nga policia ukrainase dhe ajo ruse, ai u arrestua në Odessa. Ai ka qenë në burg në Ukrainë, por kur qeverisja e re erdhi në Kiev, ai u lirua me arsyetimin se ai u fajësua pa ndonjë arsye, transmeton Gazetametro.net.

Ky nuk ka qenë tentimi i parë për vrasjen e Osmayev, pasi në qershor të këtij viti është sulmuar nga një person që ishte paraqitur si një gazetar nga Franca. Kur të dy janë takuar për të bërë “intervistë”, gazetari i rrejshëm i është vënë pas Osmayevit. Mirëpo këtë herë e ka shpëtuar gruaja e tij e cila me armën “Makarov” ka plagosur rëndë personin në fjalë.

Policia ukrainase ka thënë se vrasësi i cili ka tentuar ta vret çeçenin është gjithashtu çeçen i dërguar nga presidenti i Çeçenisë Ramzan Kadyrov. Por është i ashtuquajturi gazetar ende thotë që është vetëm gazetar dhe s’ka lidhje me tentimvrasjen.

Autoritetet ukrainase e kanë akuzuar Rusinë për terrorizon të planifikuar dhe sulm për çiftin çeçen.

Osmayev është arrestuar edhe një herë para arrestimit për atentat të organizuar për Putin. Ai në vitin 2007 është dërguar në Moskë sepse është dyshuar se po organizon atentat për presidentin çeçen Kadyrov. Kur u lirua e braktisi Rusinë dhe ka jetuar në Londër, ku më pas u shpërngul në Ukrainë ku ende qëndron.

OPINIONE