Disa ditë më parë, në media u denoncuan kushtet e tmerrshme në të cilat mbaheshin kafshët në “Safari Park” në Fier. Ishte britanikja “Daily Mail” që raportoi ngjarjen dhe më pas Ministria e Mjedisit mbylli lokalin ku mbaheshin kafshët.
Pikërisht ditën e sotme, kafshët janë transferuar për në Tiranë. Hapja e dyerve të kopshtit zoologjik është bërë me forcë nga policia dhe veterinerët e huaj, pasi hasën kundërshti nga pronarët e këtij subjekti. 12 kafshët do të qëndrojnë në kopshtin zoologjik në Tiranë dhe më pas do të dërgohen në Holandë.
