Kreu i një trupi musliman të çertifikimit të ushqimit hallall në Australi tha se “gratë Australiane kanë nevojë për [muslimanët] që t’i fertilizojnë,” duke shkaktuar një protestë online.
Mohamed Elmouelhy, kreu i Autoritetit të Çertifikimit Hallall në Australi, shkruan në faqen e tij në Facebook se gratë australiane kanë nevojë për meshkuj muslimanë, sepse burrat në vend “janë një racë që po vdes”.
“Grave australiane i duhemi ne që t’i fertilizojmë dhe t’i mbajmë të rrethuara nga foshnja muslimane, ndërsa birra pirësit, duhanpirësit, drogmenët mund të ëndërrojnë vetëm atë për të cilën janë të aftë burrat muslimanë “, thuhet në postimin e tij.
Ai shtoi se muslimanët “kanë për detyrë të bëjnë të lumtura (gratë tuaja australiane)”.
Elmouelhy arriti në përfundimin se raca e bardhë në vend “do të zhduket në 40 vitet e tjera” nëse Australia “do të lihet në dorën e fanatikëve”.
Ai u këshilloi burrave australianë: “zgjidhni më mirë një ngastër për veten tuaj në varrezat tuaja lokale” dhe “nëse nuk mund ta përballoni atë, kryeni vetëvrasje”.
Komenti fillestar duket se u fshi, por screenshot-et si dhe raportet e shumta të lajmeve nxitën një valë zemërimi në komentet në postimet e tij dhe më gjerë.
Përdoruesit e mediave sociale e quajtën atë një “fanatik të shtrembëruar, të neveritshëm, seksist”, komentet e tij si “justifikime të sëmura të një burri”, ndërsa të tjerë u bënë thirrje autoriteteve që “ta largojnë atë nga vendi”.
Komentet e Elmouelhy pasuan një studim nga Shkolla e Shëndetit Publik dhe e Mjekësisë së Komunitetit në Universitetin Hebraik Hadassah Braun në Jeruzalem, e cila zbuloi një rënie prej 52.4 përqind në përqendrimin e spermës dhe një rënie prej 59.3 përqind në numrin total të spermës midis njerëzve në vendet perëndimore, përfshirë Australinë.
Studimi shkaktoi shqetësim midis shkencëtarëve izraelitë që drejtojnë kërkimin shkencor dhe shkencëtari Hagai Levine tha se ishte “një thirrje urgjente zgjimi për kërkuesit dhe autoritetet shëndetësore”.
Megjithatë shkencëtarët australianë nuk janë në panik.
“Unë nuk do t’i shqetësoja shumë ‘djemtë’ tanë, thjesht për të qenë pak të vetëdijshëm. Unë do t’i referohem studimit si informativ dhe jo shkencor dhe ndoshta, thjesht ndoshta, jeta më e thjeshtë në vendet jo-perëndimore është në fakt më e mira, madje edhe për spermatozoidet. Ndoshta mund të bëhet një studim në Australi në lidhje me meshkujt e qytetit kundrejt meshkujve të fshatit?” Tha shkencëtari i lartë për stërvitjen dhe të ushqyerit në Universitetin Katolik Australian, Dr. Orly Lacham-Kaplan, për News Corp Australia. / © Gazeta Impakt
