Imami i Qabes Sheikh Abdul-Rahman Al-Sudais në hutben e Kurban Bajramit është lutur për mbështetje ndaj Palestinës dhe çlirimit të Xhamise Al-Aksa.
Sipas lajmit të agjencisë zyrtare të Arabisë Saudite, SPA, Al-Sudais në predikimin e tij të Bajramit ka thënë: “O Allah, ruaje Xhaminë Aksa nga sulmet e agresorëve dhe zullumi i sionistëve pushtues. O Allah bëje Al-Aksanë të shenjtë deri në Ditën e Gjykimit. O Allah, jepi fitoren vëllezërve tanë në Palestinë”.
Mesxhid Al-Aksa, që gjendet në Kudsin Lindor të pushtuar, është kibla e parë e muslimanëve.
Hebrenjtë po kryejnë gërmime në këtë kompleks nën pretendimin aty gjendej i ashtuquajturi “Tempulli i Solomonit”.
Izraeli pushtoi Kudsin Lindor, ku ndodhet Al-Aksa, gjatë Luftës Arabo-Izraelite të vitit 1967. Më pas aneksoi gjithë qytetin në vitin 1980, një veprim që nuk u njoh kurrë nga komuniteti ndërkombëtar.
Kompleksi i Mesxhid Al-Aksasë gjendet nën mbrojtjen e Administratës së Vakëfeve Islame të Kudsit./AA
