Komitetit kushtetues për Sirinë do të takohet në Gjenevë të Zvicrës më 30 tetor, tha një burim për Anadolu Agency (AA) në kushte anonimiteti.
Sekretari i Përgjithshëm i OKB-së, Antonio Guterres të hënën njoftoi përbërjen e trupit që do të hartojë kushtetutën e re të Sirisë pas më shumë se 8 vite luftë e cila ishte shkatërrimtare për shtetin dhe popullin e saj.
“Kam kënaqësinë të njoftoj marrëveshjen e Qeverisë së Republikës Arabe të Sirisë dhe Komisionit Negociator të Sirisë për një Komitet kushtetues të besueshëm, të ekuilibruar dhe gjithëpërfshirës, të mbështetur nga OKB-ja në Gjenevë”, tha Guterres.
Siria u përfshi në një luftë civile shkatërrimtare që në fillim të vitit 2011, kur regjimi i Bashar al-Assad-it u përpoq të shuaj me forcë protestat pro-demokratike, të cilat shpërthyen si pjesë e kryengritjeve të “Pranverës Arabe”.
Më shumë se gjysëm milioni njerëz u vranë në konfliktin e përgjakshëm dhe miliona të tjerë u detyruan të largohen nga Siria pasi shumë vendbanime janë kthyer në rrënoja./AA
