Drejtuesi i një province indiane i lidhur me qeverinë e kryeministrit Narendra Modi ka provokuar ndjenja antislamane në shtetin e tij.
Kryeministri i Uttar Pradesh Yogi Adityanath, i cili njihet për promovimin e urrejtjes dhe dhunës ndaj muslimanëve indianë, kohët e fundit u tha mbështetësve të veshur me portokalli Hindutva se muslimanët që protestojnë ndaj ligjit të ri të shtetësisë në vend ishin “terroristë” të cilët duhet të ushqehen me “plumba dhe jo Biryani”.
Ai gjithashtu i përshkroi mijëra gra që kanë protestuar me javë të tëra në periferi të Delhi në Shaheen Bagh kundër ligjit të shtetësisë si “terroriste”.
Akti i diskutueshëm për ndryshimin e shtetësisë (CAA), i mbështetur nga e djathta e Modi, nacionalist Hindu, Bharatiya Janata Partia (BJP), u miratua në dhjetor të vitit të kaluar, duke shkaktuar valë protestash masive. Rreth 30 njerëz deri më tani kanë humbur jetën gjatë protestave.
Ligji i diskutueshëm lejon dhënien e nënshtetësisë miliona migrantëve, me përjashtim të muslimanëve, të cilët hynë legalisht ose në mënyrë të paligjshme në Indi nga Pakistani, Bangladeshi ose Afganistani përpara Dhjetorit 2014.
“Protestat që ndodhin në vende të ndryshme në Delhi nuk janë për shkak të Ligjit për Ndryshimin e Qytetarisë,” tha Adityanath. “Ato po ndodhin sepse këta njerëz duan të parandalojnë që India të bëhet një fuqi globale”.
Në javët që çuan në zgjedhjet e Shtetit në Delhi, kandidatët e BJP në fushatën e tyre kanë bërë propagandën më të egër anti-myslimane se ndonjëherë më parë. Ata po përpiqen dëshpërimisht të mposhtin Partinë qeverisëse kundër korrupsionit Aam Aadmi, e cila ka siguruar 67 nga 70 vendet e parlamentit që nga zgjedhjet e fundit pesë vjet më parë.
BJP ka qeverisur Indinë në nivelin kombëtar që nga 2015, por ajo ka pësuar humbje në shtetin Delhi.
Udhëheqësit e opozitës, organizatat muslimane dhe grupet e studentëve kanë bërë kërkesë në Gjykatën Supreme të Indisë për të pezulluar zbatimin e ligjit anti-islam. Ata këmbëngulin se ligji është diskriminues dhe shkel qartë kushtetutën laike të Indisë.
Gjykata e lartë, megjithatë, më 22 janar, nuk pranoi të zbatojë ligjin në pritje, duke thënë se një listë kushtetuese prej pesë gjyqtarësh duhet të dëgjojë peticionet dhe të vendosë për këtë çështje. Por ajo i dha qeverisë së Modi katër javë për t’iu përgjigjur 144 peticioneve që kundërshtojnë vlefshmërinë kushtetuese të AAC-së.
Javët e fundit, udhëheqësit nga BJP kanë bërë thirrje për veprim kundër protestuesve, duke i përshkruar ata si jopatriotë./ Gazetaimpakt/ presstv/
