Lëvizja Houthi e Jemenit filloi sulme të reja me rreze të rëndë që targetuan aeroportet Jizan dhe Abha, në Arabinë Saudite jugore, noftoi televizioni Al-Masirah te shtunen. Televizioni Al-Arabiya, në pronësi të Arabisë Saudite, tha se forcat saudite kishin kapur një raketë balistike që synonte qytetin jugperëndimor të Abhos.
Grupi i lidhur me Iranin tha se sulmi kishte si target aeroportin Jizan dhe stacionin e karburantit në aeroportin Abha përcjell Reuters.
“Të dy aeroportet tani janë jashtë shërbimit. Ne i premtojmë regjimit saudit ditë më të dhimbshme për sa kohë agresioni dhe rrethimi vazhdojnë në vendin tonë “, tha zëdhënësi i forcave të armatosura të grupit në një Twitter të botuar nga llogaria e Al-Masirah TV.
Houthet kanë nisur disa sulme që synojnë aeroportin rajonal Abha që nga e mërkura, kur një sulm raketash kundër të njëjtit aeroport kishte plagosur 26 vetë.
Koalicioni i udhëhequr nga Sauditi, i cili intervenoi në vitin 2015 në luftën civile të Jemenit për të rivendosur qeverinë e Presidentit Abd Rabbu Mansour Hadi, tha më parë këtë javë se ka kapur pesë dronë që sulmuan aeroportin Abha dhe Khamis Mushait në të njëjtin rajon.
Në përgjigje të këtyre sulmeve, koalicioni i mbështetur nga Perëndimi tha se kishte shkatërruar asetet ushtarake të Houthit në periferi të kryeqytetit Hana Sanaa.
Udhëheqësit e koalicionit, Arabia Saudite dhe Emiratet e Bashkuara Arabe, akuzojnë Rojet Revolucionare të Iranit dhe Hezbollahun e mbështetur nga Irani për mbështetjen e Houthit, një akuzë që të tre mohojnë./bw
